Rodrigo Cuevas, Beatriz y Sara Lolo defenden la escuela pública nun videu de SUATEA

El sindicatu asoleya nes sos redes sociales una pieza audiovisual nel que persones del mundu cultural y deportivu asturianu valoren la importancia del enseñu nos centros públicos coincidiendo cola apertura del periodu de matriculación

«Ye la de toos y la de toes, y amás ye de muncha calidá» o «una herramienta fundamental para intentar acercar la igualdad de oportunidades a todos los niños y niñas». Son dos de los munchos y diferentes argumentos espresaos en defensa de la escuela pública por personalidaes del mundu cultural y deportivu asturianu nel videu asoleyáu esta mañana por Sindicatu Unitariu Autónomu d’Enseñanza d’Asturies (SUATEA) aprovechando que ta abiertu hasta’l vienres el plazu d’almisión d’alumnos y alumnes baxo’l nome de ‘¡Nun faigas el pijo!: Pa les coses series, escueyi la pública’.

Los participantes nesta iniciativa son Miguel Fernandi ‘Burilo’, Rodrigo Cuevas, Beatriz Rodríguez Álvarez de Grupo Beatriz, Sara Lolo, Alicia Álvarez, Monchu Cerra, Leticia Baselgas, María Cotiello y Joaquín Pajarón. Músicos, editores, profesores, deportistas, actores o cómicos que ponen en valor la importancia y la calidá de la escuela pública.