L’informe de la comisión permanente del organismu concluye que la propuesta en La Forca, xunto a El Barrigón, pa construyir 28 viviendes unifamiliares «deriva d’una errónea interpretación d’una sentencia xudicial», esplica Ignacio Ruiz, direutor xeneral d’Ordenación del Territoriu
La propuesta de modificación de lesnormes subsidiaries de Colunga pal ámbitude La Isla, en concreto en La Forca, junto a El Barrigón, que se basaba nuna sentencia del Tribunal Superior de Xusticia de Asturias (TSXA) del 2011y plantegaba ampliar l’ámbitu d’actuación de 9.850 a 20.398,88 metros cuadraos, más del doble de la superficie actualmente prevista, «incumple’l POLA y el PESC, y polo tanto, la ordenación territorial, y ha limitase a edificar la metá de la parcela, aproximadamente, inicial, que será la metá de los xalés, y siempre na parte más lloñe de la costa». Ye’l resume que fai Ignacio Ruiz, direutor xeneral d’Ordenación del Territoriu, del informe de la Comisión d’Urbanismu y Ordenación del Territoriu d’Asturies (CUOTA) sobre esti asuntu plantegáu pol Conceyu de Colunga cola intención desiguir cola so tramitación. La promotora, que se basaba en dicha sentencia, plantegaba construyir ellí 28 viviendes unifamiliares.
La iniciativa, apunta Ruiz, «deriva d’una errónea interpretación d’una sentencia xudicial». Asina, l’informe aclara que dichu fallu reconoció como suelu urbanu únicamente los terrenos concretos oxetu del pleitu —referíos al ámbitu SAU-LS-04 y non a la totalidá de la finca—, considera qu’estender la delimitación de suelu edificable hacia terrenos protexíos resulta incompatible cola normativa urbanística y que la modificación de la servidume de proteición de costes a 20 metros nun altera por sí mesma la proteición de dichu suelu.
D’igual forma, el documentu analizala tramitación municipal y detecta deficiencies nel procedimientu d’información pública, en concreto al nun mostrar el documentu completu de la modificación, sinón únicamente informes económicos determinaos. L’informe va remitisea la Demarcación de Costes pa que, nel ámbitude les sos competencias, determine si procede facerla correición de la llinia de servidume.
